سميحة: ألوو هلا وينج ..
كريمة: كاني أنا عند البوابة قاعدة أشوفج
سميحة: أوكي يلا شفتج باي
كريمة: أهلاً اشلونج ها قصيتي تذاكر
سميحة: لا اليوم عائلات اشفيج الدخله Free
كريمة: وااي أحب هالمكان ذكريات طفولتي كلها هني .. تصدقين ودي أركض وأصرخ من الوناسه من زمان مو يايه
سميحة: ايي حده من زمان عنها .. يلا امشي نركب طلقة الدبوس .. حلاتها قبل الليل
العامل: لا هذا خربان بس 3 نفرات يدخل
سميحة: هاااااووو ! اللعبه حق 12 شخص
العمال: ايي .. بس هذا ماكو صيانه .. لعبة خراب
سميحة: اوكي خلاص نركب 3 عشان خاطر الصيانه
كريمة: وااي ما سوت علينا لعبة شهالأصوات اللي من المكينه .. جنا راكبين عباره كحيانه بمصر
سميحة: مو من صجهم إمشي بس نروح Techno- Jump ولا عوار الراس
أثناء الوصول ،،
كريمة: Excuse me put music please
العامل: No Music هذا خراب .. CD ماكو شغل
سميحة: شهالغلقه يلا امشي نقزرها بالـ Viking
بعد اللعب ،،
كريمة: واااي شهاللعبة حتى ما ارتفعت لي النص من صجه هذا .. Excuse me why the game didn't get high enough
العامل: انا شنو سوي .. ماكينه خراب .. ماكو روح فوق واجد .. ماكو صيانه
سميحة: مكينه خربانه .. شكو ماتتحجى قبل لا نلعب .. بالله صار فينا شي .. شنو احنا مو أوادم عندك تركبنا لعبة خربانه ولا بعد ماكو Music مثل صاحبك "No Music .. CD خراب"
كريمة: والله جنا داشين محل كراجات كل شي خربان
سميحة: لا وانتي الصاجه سكراب ماكو شي يشتغل سنع .. ولا واللي يحر يركبونا .. مو هامهم جنا قطاوه مو أوادم
كريمة: لووووول .. القطو يمكن يخافون عليه أكثر منج ومني .. مو من صجهم على هالحركه .. امشي الإداره نبرد جبدنا
" الإدارة بعد ما طلعنا حرتنا"
المدير: أي والله عذورنا .. ناطرين الصيانه حق العيد الوطني .. وساحبين الـ CDs منهم عشان نحط أغاني وطنيه .. يااا ... عطهم تعويض !!
خووش رد .. ننطر الصيانه حق العيد الوطني .. المنتزهات ما تسوي صيانه إلا في الأعياد والمناسبات .. وغير جذي عادي الألعاب تمشي حالها .. وتصلح نفسها بنفسها .. اللي يسمع تنزيلات مو صاينه اللي م اتصير إلا بالأعياد والمناسبات .. وبعدين حطوا إعلان عند البوابه " زبائننا الكرام الألعاب تعبانه ومتسكربه ننطر العيد الوطني للصيانه" عطونا خبر عشان مانتعب حالنا وندش أو على الأقل ندق على الإسعاف عشان توقف بره .. على ما أظن هذا منتزه يحقق ربح طول أيام السنه مو بس الأعياد فمن المهم الاهتمام بالصيانة وأمانة الألعاب .. لأنه اللي يلعبون أرواح بشرية أهاليهم ينطرونهم بالبيت .. مو لاقينهم بالسكه .. احنا ما تكلمنا على قدم الألعاب وملالتها لأنه هذا يبيله قصة ثانيه .. بس قاعدين نتكلم على شي اهما مسؤولين وملزومين عنه والكريم اللي بيسكتنا بتعويض نشكرك على طيبتك وكرامتك المفرطه بس احنا لو نبي التعويض نعرف شلون ناخذه بطرق ثانيه .. احنا داشين عليك عشان نعطيك خبر على المسلسل اللي قاعد يصير.
للأسف بالطلعه خاب ظن "سميحة وكريمة" وبدال ما ود كريمة تصرخ من الوناسه .. صار ودها تصرخ من القهر والحرة .. ماعندنا بالكويت مكان نلعب إلا هني .. والحين للأسف صار معلم تراثي .. نمر صوبه ونشوفه من بعيد .. ماندشه لأنه إذا دشينا واحد من الأثنين .. يا تطلع حيٌ ترزق بس لايعه جبدك ... يا نقرى عليك الفاتحه.
بالأخير يا عيال الكويت مادامكم بالكويت .. ماردكم إلا ليوم البحار والقليلبة .. صج انها من عام 1700 وحطبة بس على الأقل تطلع منها تمشي على ريك وتوصل بيت أهلك.
كريمة: كاني أنا عند البوابة قاعدة أشوفج
سميحة: أوكي يلا شفتج باي
كريمة: أهلاً اشلونج ها قصيتي تذاكر
سميحة: لا اليوم عائلات اشفيج الدخله Free
كريمة: وااي أحب هالمكان ذكريات طفولتي كلها هني .. تصدقين ودي أركض وأصرخ من الوناسه من زمان مو يايه
سميحة: ايي حده من زمان عنها .. يلا امشي نركب طلقة الدبوس .. حلاتها قبل الليل
العامل: لا هذا خربان بس 3 نفرات يدخل
سميحة: هاااااووو ! اللعبه حق 12 شخص
العمال: ايي .. بس هذا ماكو صيانه .. لعبة خراب
سميحة: اوكي خلاص نركب 3 عشان خاطر الصيانه
كريمة: وااي ما سوت علينا لعبة شهالأصوات اللي من المكينه .. جنا راكبين عباره كحيانه بمصر
سميحة: مو من صجهم إمشي بس نروح Techno- Jump ولا عوار الراس
أثناء الوصول ،،
كريمة: Excuse me put music please
العامل: No Music هذا خراب .. CD ماكو شغل
سميحة: شهالغلقه يلا امشي نقزرها بالـ Viking
بعد اللعب ،،
كريمة: واااي شهاللعبة حتى ما ارتفعت لي النص من صجه هذا .. Excuse me why the game didn't get high enough
العامل: انا شنو سوي .. ماكينه خراب .. ماكو روح فوق واجد .. ماكو صيانه
سميحة: مكينه خربانه .. شكو ماتتحجى قبل لا نلعب .. بالله صار فينا شي .. شنو احنا مو أوادم عندك تركبنا لعبة خربانه ولا بعد ماكو Music مثل صاحبك "No Music .. CD خراب"
كريمة: والله جنا داشين محل كراجات كل شي خربان
سميحة: لا وانتي الصاجه سكراب ماكو شي يشتغل سنع .. ولا واللي يحر يركبونا .. مو هامهم جنا قطاوه مو أوادم
كريمة: لووووول .. القطو يمكن يخافون عليه أكثر منج ومني .. مو من صجهم على هالحركه .. امشي الإداره نبرد جبدنا
" الإدارة بعد ما طلعنا حرتنا"
المدير: أي والله عذورنا .. ناطرين الصيانه حق العيد الوطني .. وساحبين الـ CDs منهم عشان نحط أغاني وطنيه .. يااا ... عطهم تعويض !!
خووش رد .. ننطر الصيانه حق العيد الوطني .. المنتزهات ما تسوي صيانه إلا في الأعياد والمناسبات .. وغير جذي عادي الألعاب تمشي حالها .. وتصلح نفسها بنفسها .. اللي يسمع تنزيلات مو صاينه اللي م اتصير إلا بالأعياد والمناسبات .. وبعدين حطوا إعلان عند البوابه " زبائننا الكرام الألعاب تعبانه ومتسكربه ننطر العيد الوطني للصيانه" عطونا خبر عشان مانتعب حالنا وندش أو على الأقل ندق على الإسعاف عشان توقف بره .. على ما أظن هذا منتزه يحقق ربح طول أيام السنه مو بس الأعياد فمن المهم الاهتمام بالصيانة وأمانة الألعاب .. لأنه اللي يلعبون أرواح بشرية أهاليهم ينطرونهم بالبيت .. مو لاقينهم بالسكه .. احنا ما تكلمنا على قدم الألعاب وملالتها لأنه هذا يبيله قصة ثانيه .. بس قاعدين نتكلم على شي اهما مسؤولين وملزومين عنه والكريم اللي بيسكتنا بتعويض نشكرك على طيبتك وكرامتك المفرطه بس احنا لو نبي التعويض نعرف شلون ناخذه بطرق ثانيه .. احنا داشين عليك عشان نعطيك خبر على المسلسل اللي قاعد يصير.
للأسف بالطلعه خاب ظن "سميحة وكريمة" وبدال ما ود كريمة تصرخ من الوناسه .. صار ودها تصرخ من القهر والحرة .. ماعندنا بالكويت مكان نلعب إلا هني .. والحين للأسف صار معلم تراثي .. نمر صوبه ونشوفه من بعيد .. ماندشه لأنه إذا دشينا واحد من الأثنين .. يا تطلع حيٌ ترزق بس لايعه جبدك ... يا نقرى عليك الفاتحه.
بالأخير يا عيال الكويت مادامكم بالكويت .. ماردكم إلا ليوم البحار والقليلبة .. صج انها من عام 1700 وحطبة بس على الأقل تطلع منها تمشي على ريك وتوصل بيت أهلك.
ليست هناك تعليقات:
إرسال تعليق